ខេត្តបាត់ដំបង: កាលពីថ្ងៃ ចន្ទ ១៣កេីតខែអាសាឍឆ្នាំខាលចត្វាស័កព.ស.២៥៦៦ត្រូវនឹងថ្ងៃទី១១ខែ កក្កដា ឆ្នាំ២០២២វេលាម៉ោង២២និង០០នាទីនៅចំណុចក្រុមទី១៤ភូមិកគោឃុំជ្រៃស្រុកថ្មគោលខេត្តបាត់ដំបងមានករណីបទលួច(ម៉ូទ័រជំរុញទឹក)មួយបានកើតឡើងដែលករណីនេះបង្ករដោយជនសង្ស័យមិនស្គាល់អត្តសញ្ញាណបានធ្វើសកម្មភាពលួចយកម៉ូទ័របូមជំរុញទឹករបស់ជនរងគ្រោះឈ្មោះសន គន្ធាភេទស្រីអាយុ៤៨ឆ្នាំរស់នៅក្រុមទី១៤ភូមិកគោឃុំជ្រៃស្រុកថ្មគោលខេត្តបាត់ដំបង។
-*សំភារះបាត់បង់មានម៉ូទ័រជំរុញទឹក១គ្រឿងម៉ាកSHININGពណ៌ស្លាទុំ លាយខ្មៅ។
នៅក្រោយកេីតហេតុជនរងគ្រោះបានរាយការណ៍មកសមត្ថកិច្ចនគរបាលស្រុកថ្មគោល ហេីយ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ សេង លុច អធិការនគរបាលស្រុកថ្មគោល ដឹកនាំកម្លាំងផ្នែកជំនាញរួមជាមួយកម្លាំងប៉ុស្តិ៍នគរបាលរដ្ឋជ្រៃធ្វើការស្រាវជ្រាវរហូតកំណត់មុខសញ្ញាបាន និងឈានដល់ការឃាត់ខ្លួនជនសង្ស័យចំនួន០១នាក់នៅថ្ងៃទី១២ខែ កក្កដាឆ្នាំ២០២២នេះដែលជនសង័្សយឈ្មោះទឹម រក្សា (ហៅតាំង)ភេទប្រុសអាយុ៣១ឆ្នាំរស់នៅភូមិកគោ ឃុំជ្រៃស្រុកថ្មគោលខេត្តបាត់ដំបងនិងដកហូតសម្ភារៈវត្ថុតាងគឺ
-ម៉ូទ័រជំរុញទឹក១គ្រឿងម៉ាកSHININពណ៌ស្លាទុំលាយខ្មៅជារបស់ជនរងគ្រោះ។
បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលស្រុកថ្មគោលដេីម្បីកសាងសំណុំរឿងបញ្ជូនមកការិយាល័យជំនាញអនុវត្តតាមច្បាប់៕(រូបភាពនគរបាលស្រកថ្មគោល)By kosal!
