តាកែវ៖រដ្ឋបាលខេត្តតាកែវ នៅព្រឹកថ្ងៃពុធទី០១ ខែមីនា ឆ្នាំ២០២៣បានប្រារព្ធពិធីអបអរសាទរ ខួបលើកទី១១២ ទិវាអន្តរជាតិនារី ៨ មីនា ឆ្នាំ២០២៣ក្រោមប្រធានបទ «ស្ត្រីរួមគ្នារក្សាសុខសន្តិភាពដេីម្បីកិច្ចអភិវឌ្ឍ ក្នុងយុគសម័យឌីជីថល»។
ពិធីនេះបានធ្វើឡើងក្រោមអធិបតីភាព លោកជំទាវ និន សាផុនប្រធានគណៈកម្មការទី៩ នៃរដ្ឋសភាជាតិ និងជាអ្នកតំណាងរាស្រ្តមណ្ឌលខេត្តតាកែវ ឯកឧត្តម អ៊ូច ភា អភិបាលខេត្តតាកែវ និង លោកជំទាវ ស្រី ប៉ុណ្ណាដាវី ដោយមានការ ចូលរួមពីសំណាក់ លោកជំទាវ នូ សុវណ្ណនី អ្នកតំណាងរាស្រ្តមណ្ឌលខេត្តតាកែវ ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត លោកស្រី ប្រធានមន្ទីរកិច្ចការនារីខេត្តតាកែវ លោក លោកស្រី អភិបាល អភិបាលរង ក្រុង ស្រុក យុវជនកាកបាទក្រហមខត្ត កាយរិទ្ធជាតិខេត្ត លោគ្រូ អ្នកគ្រូ និងសិស្សានុសិស្ស មន្រ្តីរាជការតាមមន្ទីរអង្គភាពជុំវិញខេត្ត ជាស្ត្រីជាច្រេីនរូបផងដែរ។
បន្ទាប់ពីការផ្តល់នូវមតិសំណេះសំណាលប្រកបដោយអត្ថន័យថ្លៃថ្លា និងស្និទ្ធស្នាល ឯកឧត្តមអភិបាលខេត្តតាកែវក៏បានផ្ដល់ជូននូវបាច់ផ្កាជូនដល់ភរិយា ដើម្បីបង្ហាញអំពីសេចក្តីស្រឡាញ់ យ៉ាងជ្រាលជ្រៅ ចំពោះស្រ្តី និងបានឧបត្ថម្ភថវិកាជូនដល់មន្រ្តីរាជការ នៃរដ្ឋបាលខេត្តតាកែវ ជាស្ត្រីនូវថវិកាចំនួន៥០,០០០រៀល សរុបចំនួន២១០នាក់។
ក្នុងឱកាសដ៏វិសេសវិសាលនេះ ឯកឧត្តមអភិបាលខេត្តតាកែវ បានជូនពរដល់ស្ត្រីទូទាំងខេត្តតាកែវទទួលបានសុខភាពល្អបរិបូរណ៍ ជោគជ័យគ្រប់ភារកិច្ច ចៀសផុតពីជំងឺកូវីដ១៩ និងជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ🇰🇭🇰🇭🇰🇭❤️❤️❤️
