ព័ត៌មានជាតិ

លោកវរៈសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ និងជាប្រធានសមាគមអតីតយុទ្ធជនកម្ពុជា(ស.អ.ក)ស្រុកត្រាំកក់នាំយកថវិកាប្រគល់ជូន…..

June 4, 2021June 4, 2021 angkor Comment(0)

ថ្ងៃសុក្រ ០៩រោច ខែជេស្ធ ឆ្នាំឆ្លូវ ត្រីស័ក ព.ស.២៥៦៥ត្រូវនិងថ្ងៃទី០៤ ខែឧសភា ឆ្នាំ ២០២១ លោកវរៈសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ និងជាប្រធានសមាគមអតីតយុទ្ធជនកម្ពុជា(ស.អ.ក)ស្រុកត្រាំកក់ លោកវរៈសេនីយ៍ត្រី យឹម សុភារុណ មេបញ្ជារការសឹករងស្រុកត្រាំកក់ (អនុប្រធាន ស.អ.ក ស្រុក) លោកអនុសេនីយ៍ឯក ឡា សុផាត មេបញ្ជារការរងអាវុធហត្ថស្រុកត្រាំកក់(អនុប្រធាន ស.អ.ក ស្រុក) លោក អ៊ុក ឡៃអ៉ិន ក្រុមព្រឹក្សាឃុំអង្គតាសោមតំណាងលោកមេឃុំ(ប្រធានកិត្តិយស ស.អ.កឃុំអង្គតាសោម)លោកអនុសេនីយ៍ត្រីសុខ ថន នាយរងប៉ុស្តិ៍តអង្គតាសោម (ប្រធានស.អ.ក ឃុំអង្គតាសោម) បានចូលរួមផ្ដល់ប្រាក់សមាគមអតីតយុទ្ធជនកម្ពុជា ចំនួន៤,០០០,០០០(បួនលានរៀល)ជូនចំពោះគ្រួសារសពចំនួន០១គ្រួសារ ឈ្មោះ ហ៊ុន អ៊ុន ភេទស្រី អាយុ ៨៤ឆ្នាំ មរណៈភាពដោយរោគប្រចាំកាយកាលពីថ្ងៃទី៣០ ខែឧសភា ឆ្នាំ២០២១ ។

angkor

ព័ត៌មានជាតិ

លោកជំទាវឧកញ៉ាម៉ៅម៉ាល័យ កែ គឹមយ៉ាន! ពុទ្ធចក្រនិងអាណាចក្រអភិវឌ្ឍជាលំដាប់ខណ:ប្រទេសយើងកំពុងមានសុខសន្តិភាព

April 4, 2022 angkor

បន្ទាយមានជ័យ៖សមិទ្ធផលនានាក្នុងវត្តទម្លាប់រង្សី ឃុំប្រាសាទ ស្រុកព្រះនេត្រព្រះខេត្តបន្ទាយមានជ័យ រួមមានក្លោងទ្វារ ស្រះទឹក របង ផ្លូវបេតុង រូបសំណាកនិងរូបសត្វទាំង១២ ត្រូវបានរៀបចំពិធីកាត់ខ្សែបូរឆ្លង នាព្រឹកថ្ងៃទី៤ ខែមេសា ឆ្នាំ២០២២ ក្រោមអធិបតីភាពលោកជំទាវឧកញ៉ាម៉ៅម៉ាល័យ កែ គឹមយ៉ាន។ បន្ទាប់ពីលោក ឃូ ពៅ អភិបាលស្រុកព្រះនេត្រព្រះឡើងមានមតិស្វាគមន៍ និងរាយការណ៍រួចមក លោក អោម ចន្ថា អភិបាលរងខេត្តបន្ទាយមានជ័យបានមានប្រសាសន៍ថា ក្រោយទទួលបានសន្តិភាពពេញលេញឆ្នាំ១៩៩៨ ក្រោមនយោបាយ ” ឈ្នះឈ្នះ ” របស់ប្រមុខរាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទម្រាំមានការអភិវឌ្ឍដូចសព្វថ្ងៃនេះ ទាំងរដ្ឋបាលខេត្ត អាជ្ញាធរគ្រប់លំដាប់ថ្នាក់ ព្រះតេជគុណគ្រប់ព្រះអង្គ លោកគ្រូ អ្នកគ្រូ លោកតា លោកយាយ ប្រជាពលរដ្ឋរបស់យើងបានរួបរួមសាមគ្គីគ្នា និងមានការព្យាយាម តស៊ូពុះពារគ្រប់ឧបសគ្គក្នុងការកសាងជីវភាពរស់នៅកសាងភូមិស្ថាន វត្តអារាមដែលត្រូវបំភ្លេចបំផ្លាញស្ទើរគ្មានសល់ពីសម័យខ្មែរក្រហមប៉ុលពត នឹងខិតខំធ្វើស្រែចំការចិញ្ចឹមជីវិតប្រកបដោយសេចក្ដីសុខ ក្សេមក្សាន្តរហូតមកទល់សព្វថ្ងៃនេះ។ ជាក់ស្ដែងនៅទីនេះ ពីសម័យសង្គ្រាម ក៏ជាសមរភូមិមុខ និងជាកន្លែងប្រយុទ្ធដ៏ក្ដៅគគុករវាងកងទ័ពរាជរដ្ឋាភិបាល និងកងទ័ពខ្មែរក្រហម ដែលឡើងពីតំបន់ទន្លេសាបនៃខេត្តបាត់ដំបង ធ្វើអោយស្លាប់ខ្មែររាប់ពាន់ម៉ឺននាក់ […]

ព័ត៌មានជាតិ

ក្រុមហ៊ុនរោងចក្រក្រឡុកស៊ីម៉ងត៍បេតុង (ជុងលិ) បង្កផលប៉ះពាល់ដល់ការរស់នៅ និងធ្វើដំណើររបស់ប្រជាពលរដ្ឋ, អាជ្ញាធរចុះណែនាំ

June 24, 2020 admin

ខេត្តព្រះសីហនុ ៖ ប្រជាពលរដ្ឋរស់នៅក្នុង ភូមិ១ សង្កាត់លេខ១ ក្រុង.ខេត្តព្រះសីហនុទទួលរងនូវផលប៉ះពាល់ពីក្រុមហ៊ុន (ជុងលិ) ដែលបង្ហូរកាកសំណល់បេតុងមកលើផ្លូវសាធារណៈធ្វើឲ្យពួកគាត់ពិបាកក្នុងការរស់នៅ និងការធ្វើដំណើរ និងបង្កការរំខានពេលក្រុមហ៊ុនរោងចក្រក្រឡុកស៊ីម៉ងត៍បេតុងខាងលើនេះ។ កន្លងមកបងប្អូនមានការប្ដឹងទៅអាជ្ញាធរជាច្រើនលើកច្រើនសាក្នុងការជួយអន្តរាគមន៍ដើម្បីឲ្យពួកគាត់រស់នៅនិងធ្វើដំណើរនៅទីតាំងខាងលើមានភាពងាយស្រួលខណៈពេលដែលផ្លូវ ត្រូវបានអាជ្ញាធរចាក់បេតុងស្អាតហើយក៏ប៉ុន្តែក្រុមហ៊ុនមួយនេះបានបង្កឲ្យទឹកស៊ីម៉ងហូរមកលើផ្លូវដោយមិនមានប្រព័ន្ធបង្ហូរត្រឹមត្រូវដែលបង្កឲ្យមានការពិបាកក្នុងការរស់នៅរបស់បងប្អូនទាំងរដូវប្រាំង និងរដូវវស្សា។ ដូចនេះក្រោយពីបងប្អូនប្រជាពលរដ្ឋបាន ស្នើសុំទៅដល់អាជ្ញាធរ ជួយអន្តរាគមន៍ នៅព្រឹកថ្ងៃទី២៤ ខែមិថុនា ឆ្នាំ២០២០នេះ លោក ទេព ស៊ីណូរ៉ា អនុប្រធានមន្ទីរបរិស្ថានខេត្ត តំណាងឲ្យលោក សាមុត សុធារិទ្ធ ប្រធានមន្ទីរបរិស្ថានខេត្តព្រះសីហនុ បានដឹកនាំមន្ត្រីជំនាញ មន្ទីរឧស្សាហកម្ម និងសិប្បកម្ម អាជ្ញាធរក្រុង អាជ្ញាធរសង្កាត់បានចុះមកពិនិត្យទីតាំងជាក់ស្ដែងដើម្បីឲ្យក្រុមហ៊ុនអនុវត្តតាមគោលការណ៍របស់មន្ទីរ ដើម្បីធ្វើយ៉ាងណា ឲ្យក្រុមហ៊ុនអនុវត្តទៅតាម ច្បាប់ដែលបានកំណត់ព្រោះក្រុមហ៊ុនមួយនេះមិនមានលក្ខណៈ គ្រប់គ្រាន់ក្នុងការគ្រប់គ្រងកាកសំណល់បច្ចេកទេសផ្សេងៗមួយចំនួនដែលបង្កឱ្យមានផលប៉ះពាល់បរិស្ថានការរស់នៅរបស់បងប្អូនប្រជាពរដ្ឋ និងសោភ័ណ្ឌភាពទីក្រុង។ ហើយតម្រូវឲ្យក្រុមហ៊ុនទី១.ធ្វើការដ្ឋានលាងកង់រថយន្តតាមលក្ខណៈបច្ចេកទេសមុនចាកចេញពីការដ្ឋាន ទី២.បញ្ឈប់ការបង្ហូរសំណល់ដែលមិនទាន់បានសម្អាតរួចចូលទៅផ្លូវសាធារណៈទី៣.ត្រូវរៀបចំធ្វើអាងប្រតិកម្មសម្អាតមុននឹងបង្ហូរចេញ ទី៤. បញ្ឈប់ការបង្ហូរប្រេងលាយនិងទឹកទៅលើផ្លូវសាធារណៈនិងទី៥.បញ្ឈប់ការដុតសំរាមនៅក្នុងការដ្ឋាន។ ជុំវិញបញ្ហានេះ ម្ចាស់ក្រុមហ៊ុន ដែលជាជនជាតិចិនបានឯកភាពទៅតាមមន្ត្រីជំនាញឲ្យតម្រូវមានការអនុវត្តទៅតាមច្បាប់ដើម្បីធ្វើយ៉ាងណាគ្រប់គ្រងកាកសំណល់ផ្សេងៗមិនឲ្យប៉ះពាល់ទៅលើដីផ្លូវសាធារណៈប៉ះពាល់ទៅលើការរស់នៅរបស់បងប្អូនប្រជាពលរដ្ឋ និងសោភ័ណ្ឌភាពទីក្រុងព្រោះក្រុងព្រះសីហនុគឺជាក្រុងទេសចរណ៍ដូចនេះយើងប្រកបអាជីវកម្មត្រូវអនុវត្តទៅតាមគោលការណ៍ណែនាំ និងច្បាប់ដែលបានកំណត់ ទើបអនុញ្ញាតឲ្យដំណើរការអាជីវកម្មបាន។ ក្នុងករណីម្ចាស់ក្រុមហ៊ុនមិនធ្វើតាមការណែនាំរបស់មន្ទីរនោះក្រុមការងារនឹងបន្តអនុវត្តតាមនីតិវិធីច្បាប់ជាធរមាន៕

ព័ត៌មានជាតិ

ក្រោមការដឹកនាំសម្របសម្រួលឯកឧត្តមអភិបាលខេត្តតាកែវ ដោះស្រាយទំនាស់វិវាទដីធ្លីដ៏រ៉ាំរ៉ៃរាប់ឆ្នាំ បានទទួលឯកភាពព្រមព្រៀងគ្នាបញ្ចប់ទំនាស់..

September 30, 2023 angkor

ខេត្តតាកែវ៖ ការសម្របសម្រួលឯកឧត្តមអភិបាលខេត្តតាកែវ ទំនាស់វិវាទដីធ្លីដ៏រ៉ាំរ៉ៃដែលបានកើតមានឡើងរាប់សិបឆ្នាំមកហើយ ចំនួន៦គ្រួសារ នៅភូមិចុងថ្នល់ សង្កាត់បារាយណ៍ ក្រុងដូនកែវ ខេត្តតាកែវ ពេលនេះត្រូវបានដោះស្រាយបញ្ចប់វិវាទទំនាស់នេះបានដោយជោគជ័យ ក្រោមការដឹកនាំនឹងសម្របសម្រួលប្រកបជោគជ័យឯកឧត្តមអ៊ូច ភា អភិបាលខេត្តតាកែវ។ កិច្ចប្រជុំនេះដែរ ក៏មានការអញ្ជើញចូលរួមលោកម៉ឹង វុធីអភិបាលរងខេត្ត លោកប្រធាន អនុប្រធាន អង្គភាពពាក់ព័ន្ធ លោក កង អាណាន់ អភិបាលក្រុងដូនកែវ លោក អភិបាលរងក្រុង លោក លោកស្រី មន្រ្តីរាជការពាក់ព័ន្ធ លោកចៅសង្កាត់បារាយណ៍ មេភូមិ និងប៉ុស្ដិ៍រដ្ឋបាលចូលរួមផងដែរ និងបងប្អូនប្រជាពលរដ្ឋទាំង៦គ្រួសារ។ ថ្លែងនៅក្នុងកិច្ចប្រជុំខាងលើនេះដែរ ឯកឧត្តម អ៊ូច ភា អភិបាលខេត្តតាកែវបានផ្តល់នួវប្រសាសន៍ដ៏មានតំលៃរាល់បញ្ហាទំនាស់ដីធ្លីនេះ រាជរដ្ឋាភិបាលកំពុងតែយកចិត្តទុកដាក់ ពិសេសអាជ្ញាធរមូលដ្ឋាន បាននឹងកំពុងតែខិតខំដោះស្រាយនឹងបញ្ចប់បញ្ហាទំនាស់ដីធ្លីនេះកុំឱ្យកើតមានបញ្ហាណាមួយកើតមានឡើងឬក៏ឈានដល់ការប្តឹងផ្តល់គ្នាឡើងទៅតុលាការ ដែលវានាំឱ្យខាតបង់ទាំងសងខាង ហើយដោយឡែកចំពោះបញ្ហាទំនាស់ដីធ្លីដែលនៅទីតាំងភូមិចុងថ្នល់ សង្កាត់បាយណ៍ ក្រុងដូនកែវនេះដែរ បងប្អូនប្រជាពលរដ្ឋ ទាំង៦គ្រួសារបានឯកភាពព្រមព្រៀងគ្នាទទួលយកនូវទំហំដីដែលប្លង់ជាប្រព័ន្ធបានឃ្វាលទុកហើយ ដោយរក្សាទុកផ្លូវប្រឡាយ និងឯកភាពទទួលយក និងវាស់តាមអ្វីដែលនិយាមការបានកំណត់ទុក៕

Related Articles

លោកជំទាវឧកញ៉ាម៉ៅម៉ាល័យ កែ គឹមយ៉ាន! ពុទ្ធចក្រនិងអាណាចក្រអភិវឌ្ឍជាលំដាប់ខណ:ប្រទេសយើងកំពុងមានសុខសន្តិភាព

Leave a Reply Cancel reply