បន្ទាយមានជ័យ៖នារីម្នាក់ជាជំនួយការស្មៀនឃុំអូរបីជាន់ស្រុកអូរជ្រៅខេត្តបន្ទាយមានជ័យត្រូវប្រភពខ្លះថាជនមិនស្គាល់មុខចាប់ក្រៀកឡើងរថយន្តយកទៅបាត់កាលពីយប់ថ្ងៃទី១៣ខែមីនាឆ្នាំ២០២០រហូតមកទល់ល្ងាចថ្ងៃទី១៤ខែមីនាឆ្នាំ២០២០ ក៏នៅមិនទាន់ដឹងដំណឹង ។
លោកវរសេនីយ៍ទោសែសវិបុលអធិការនគរបាលស្រុកអូរជ្រៅបានឱ្យអ្នកសារព័ត៌មានដឹងថ្ងៃទី១៤ខែមីនាថា៖ នារីរងគ្រោះឈ្មោះអឿន ស្រីនិចអាយុ២៤ឆ្នាំជាកូនកំព្រានៅជាមួយម្តាយមីងរស់នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។សព្វថ្ងៃបម្រើការជាជំនួយការស្មៀនឃុំអូរបីជាន់ ស្រុកអូរជ្រៅ ។
ក្រោយពីមានករណីចាប់នារីរងគ្រោះដូច្នេះរួចមកកម្លាំងនគរបាលស្រុកអូរជ្រៅនិងកម្លាំងនគរបាលប៉ុស្តិ៍រដ្ឋបាលឃុំអូរបីជាន់បានចុះស្រាជ្រាវយ៉ាងមមាញឹក។ប្រភពពលរដ្ឋនិងសមត្ថកិច្ចថានៅមុនពេលកើតហេតុនោះជនរងគ្រោះបានជិៈម៉ូតូជាមួយក្មេងស្រីលាងសុគន្ធាអាយុ១០ឆ្នាំយកឡេ(ម្សៅលាយលាបស្បែក)ទៅឱ្យគេនៅភូមិអូរបីជាន់។ពេលត្រឡប់មកវិញជិតដល់ផ្ទះស្រាប់តែមានជនសង្ស័យចំនួន២នាក់ បើករថយន្តកាម៉ារីពណ៌ខ្មៅ យកទៅបាត់ ។
លោកអធិការបន្តឱ្យដឹងថា៖ ឆ្លងតាមការស្រាវជ្រាវ គឺនារីរងគ្រោះធ្លាប់មានសង្សារឈ្មោះសៀន ភារ័ត្ន តែបានភ្ជាប់ពាក្យជាមួយគូបម្រុងការថ្មីម្នាក់ឈ្មោះគុណសារ៉ាកអាយុ២៤ឆ្នាំរស់នៅភូមិនិមិត្ត១សង្កាត់និមិត្តក្រុងប៉ោយប៉ែតតាំងពីថ្ងៃទី២១ខែតុលា២០១៩មកម្លេះ។គ្រោងនឹងរៀបការនៅថ្ងៃទី៨ខែមេសា២០២០ខាងមុខ។
សមត្ថកិច្ចថាតួអង្គទាំង៣ប្រុស២ស្រី១នេះបានទាក់ទង់គ្នាតាមឆាតនៃបណ្តាញសង្គមហ្វេសប៊ុកដែលបង្កជាភាពមិនដាច់ស្រេចក្នុងរឿងស្នេហាត្រីកោណដែរ ។
