ព័ត៌មានជាតិ

ចំនួនអ្នកឆ្លង COVID-19 លើលោកកើនដល់ជាង ៤លាននាក់

May 9, 2020 admin Comment(0)

បរទេស ៖ គិតត្រឹមម៉ោង ៨ព្រឹកថ្ងៃសៅរ៍ ទី០៩ ខែឧសភា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៤,០១០,៧៧២ករណីហើយ។ ក្នុងនោះអ្នកស្លាប់មានចំនួន ២៧៥,៩៧២នាក់ និងជាសះស្បើយឡើងវិញ ១,៣៨២,៣៧២ នាក់។ នេះបើយោងតាមទិន្នន័យពីគេហទំព័រអន្តរជាតិ Worldometer។

គេហទំព័រដដែលបន្តបង្ហាញថា សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ១,៣២១,៧៨៥នាក់ ស្លាប់ចំនួន ៧៨,៦១១នាក់ និងជាសះស្បើយចំនួន ២២៣,៦០៣នាក់៕

admin

ព័ត៌មានជាតិ

សាខាសមាគមសិស្សនិស្សិតបញ្ញវន្តក្មេងវត្តខេត្តតាកែវ បានយកបរិក្ខាផ្សេងៗ ទៅប្រគេនព្រះសង្ឃគង់នៅវត្តភ្នំបូរី នឹងដាំដើមឈើក្នុងបរិវេនណវត្តភ្នំបូរី

April 7, 2022 angkor

សាខាសមាគមសិស្សនិស្សិតបញ្ញវន្តក្មេងវត្តខេត្តតាកែវ បានយកបរិក្ខាផ្សេងៗ ទៅប្រគេនព្រះសង្ឃគង់នៅវត្តភ្នំបូរី នឹងដាំដើមឈើក្នុងបរិវេនណវត្តភ្នំបូរី ខេត្តតាកែវ៖ សាខាសមាគមសិស្សនិស្សិតបញ្ញវន្តក្មេងវត្តខេត្តតាកែវ បានយកបរិក្ខាផ្សេងៗទៅប្រគេនព្រះសង្ឃវត្តភ្នំបូរី នឹងដាំដើមឈើក្នុងបរិវេនវត្តភ្នំបូរី ស្ថិតក្រោមអធិបតីភាព លោក លី សាវេត អភិបាលរងខេត្ត និងប្រធានសាខាសមាគមសិស្សនិស្សិតបញ្ញវន្តក្មេងវត្តប្រចាំខេត្តតាកែវ ដោយកម្មវិធីនេះប្រព្រឹត្តទៅ នៅព្រឹកថ្ងៃពុធ ៥កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ០៦ ខែមេសាឆ្នាំ២០២២ នៅវត្តភ្នំបូរី ឃុំព្រែកផ្ទោល ស្រុកអង្គរបូរី ខេត្តតាកែវ ។ ថ្លែងនាឱកាសនោះដែរ លោក លី សាវេត ប្រធាន សមាមសិស្សនិស្សិតបញ្ញវន្តក្មេងវត្ត បានមានប្រសាសន៍ថា សមាមសិស្សនិស្សិតបញ្ញវន្តក្មេងប្រចាំខេត្តតាកែវនេះ គឺជាសមាជិក គណបក្សប្រជាជនកម្ពុជា តែមួយដោយមានការចង្អុលបង្ហាញយ៉ាងយកចិត្តទុកដាក់ពីសំណាក់ ឯកឧត្តមបណ្ឌិត ហ៊ុន ម៉ានិត និងដឹកនាំដោយ ឯកឧត្តមបណ្ឌិត មិញ បានកុសល រហូតដល់បច្ចុប្បន្ននេះ។ លោកបានបន្តថា មួយរយៈកន្លងនេះប្រទេសកម្ពុជាយើងគឺរងនូវការលំបាកខ្លាំងណាស់ដោយសារតែការឆ្លងរីករាយដាលនៃជំងឺកូវីដ ប៉ុន្តែយើងមានសំណាងណាស់ដែលទទួលថ្នាក់ដឹកនាំដ៏ឈ្លាសវៃប្រកបដោយគតិបណ្ឌិត គឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា […]

ព័ត៌មានជាតិ

កម្លាំងប៉េអឹមចូលរួមជម្លៀសអ្នកជាប់ឃុំក្នុងពន្ធនាគារដែលទឹកជន់លិច

October 15, 2020 admin

បន្ទាយមានជ័យ៖កងរាជអាវុធហត្ថខេត្តបន្ទាយមានជ័យចូលរួមប្រតិបត្តិការជម្លៀសអ្នកជាប់ឃុំនៅពន្ធនាគារដែលទឹកជន់លិចជំនន់កាលពីថ្ងៃទី១៣-១៤ខែតុលាឆ្នាំ ២០២០។លោកឧត្តមសេនីយ៍ត្រី បោន បិន មេបញ្ជាការកងរាជអាវុធហត្ថខេត្តបន្ទាយមានជ័យបានដឹកនាំកងកម្លាំងចំនួន១១៦នាក់រថយន្តចំនួន២២គ្រឿងសហការជាមួយកម្លាំងនគរបាលខេត្តទិសទី១យោធភូមិភាគទី៥ជម្លៀសទណ្ឌិតនិងការពារក្នុងការដឹកជញ្ជូនពិរុទ្ធជនចំនួន៣គោលដៅ៖ គោលដៅទី១ ទណ្ឌិត និងពិរុទ្ធជន ចំនួន២០០នាក់ បញ្ជូន ទៅផ្ញើទុកនៅពន្ធនាគារខេត្តឧត្តមានជ័យ ។គោលដៅទី២ចំនួន២០០នាក់បញ្ជូនទៅផ្ញើនៅខេត្តកំពង់ធំ។គោលដៅទី៣ចំនួន៤០១នាក់ទៅផ្ញើនៅពន្ធនាគារត្រពាំងខ្លុងខេត្តត្បូងឃ្មុំ។លោកអ៊ុងស៊ីផានឧត្តមអគ្គានុរក្សថ្នាក់លេខ២ប្រធានពន្ធនាគារខេត្តបន្ទាយមានជ័យបានឱ្យដឹងថា៖ការជម្លៀសទណ្ឌិតនិងពិរុទ្ធជនទាំងអស់នេះយកទៅផ្ញើជាបណ្ដោះអាសន្ន ។ គឺបណ្ដាលមកពីពន្ធនាគារ និងបន្ទប់ទណ្ឌិត និងពិរុទ្ធជន ខេត្តបន្ទាយមានជ័យ រងគ្រោះ ដោយទឹកជំនន់។បើគិតការជម្លៀស និងដឹកជញ្ជូនទណ្ឌិតអស់រយៈពេលពីរថ្ងៃ គឺថ្ងៃទី១៣-១៤ ខែតុលា ឆ្នាំ២០២០នេះសរុបចំនួន១.៦១២នាក់។ពន្ធនាគារខេត្តសៀមរាបចំនួន៨១១នាក់៕

ព័ត៌មានជាតិ

អូស្ត្រាលីអំពាវនាវឲ្យយុវជនធ្វើតេស្តរកវីរុសកូរ៉ូណានៅពេលបើកប្រទេសឡើងវិញ

May 25, 2020 admin

អូស្ត្រាលី ៖ រដ្ឋដែលមានប្រជាជនច្រើនបំផុតនៅប្រទេសអូស្ត្រាលីបាននិយាយកាលពីថ្ងៃសៅរ៍ថា ខ្លួនទើបតែមានករណីឆ្លងវីរុសកូរ៉ូណាថ្មីចំនួន ៣ ករណីប៉ុណ្ណោះកាលពីថ្ងៃប៉ុន្មានមុន និងបានជំរុញឲ្យមនុស្សវ័យក្មេងធ្វើតេស្តនៅពេលដែលខ្លួនត្រៀមបន្ថូរបន្ថយការរឹតបន្តឹងលើហាងស្រា និងភោជនីយដ្ឋាន។ រដ្ឋ New South Wales (NSW) ដែលរួមបញ្ចូលទាំងទីក្រុងស៊ីដនីជាតំបន់ដែលមានករណីឆ្លងវីរុសកូរ៉ូណាជិតពាក់កណ្ដាលនៃករណីឆ្លងចំនួន ៧,១០០ ករណីរបស់អូស្ត្រាលី ហើយគ្រោងនឹងអនុញ្ញាតឲ្យហាងស្រា និងភោជនីយដ្ឋានទទួលភ្ញៀវរហូតដល់ ៥០ នាក់ចាប់ពីថ្ងៃទី ១ ខែមិថុនាតទៅ។ ទន្ទឹមនោះវាក៏បានជំរុញឲ្យមន្ត្រីសុខាភិបាលធ្វើការក្រើនរំលឹកដល់ប្រជាជនឲ្យរក្សានូវវិធានការណ៍គម្លាតសង្គម និងបង្កើនការធ្វើតេស្តដើម្បីការពារការឆ្លងរាលដាលនៃរលកទីពីរ។ រដ្ឋមន្ត្រីក្រសួងសុខាភិបាលរដ្ឋ NSW លោក Brad Hazzard បានថ្លែងនៅក្នុងសន្និសីទសារព័ត៌មានមួយតាមទូរទស្សន៍ថា “នៅពេលយើងព្យាយាមបន្ធូរបន្ថយការរឹតត្បិតដែលយើងបានរស់នៅអស់រយៈពេលពីរខែកន្លងមកនេះវាពិតជាសំខាន់ណាស់ដែលមនុស្សឆ្ពោះទៅរកការធ្វើតេស្តប្រសិនបើពួកគេមានបញ្ហាផ្លូវដង្ហើមតិចតួចបំផុត”។ លោកបានបន្ថែមថា “នៅពេលដែលយើងកំពុងបន្ធូរបន្ថយការរឹតត្បិតរបស់យើងជាពិសេសនៅតាមក្លឹប និងសណ្ឋាគារជាដើមយើងត្រូវការផ្ញើនូវសារដ៏មានឥទ្ធិពលមួយថា យុវជនទាំងនេះត្រូវតែទៅធ្វើតេស្តរកវីរុស”។ រដ្ឋ NSW បានកត់ត្រាចំនួនករណីឆ្លងវីរុសកូរ៉ូណាសរុបចំនួន ៣,០៨៦ ករណី និងបានកត់ត្រាជិតពាក់កណ្តាលនៃការស្លាប់សរុបរបស់ប្រទេស ខណៈដែលរបាយការណ៍ប្រព័ន្ធផ្សព្វផ្សាយក្នុងស្រុកបាននិយាយថាបានកើនឡើងពីមួយទៅ ១០២ នាក់កាលពីថ្ងៃសៅរ៍។ ចំណែករដ្ឋជិតខាង Victoria ជាកន្លែងដែលមានការស្លាប់ចុងក្រោយបានរាយការណ៍ថាមានការឆ្លងថ្មីចំនួន ១០ ករណីកាលពីប៉ុន្មានថ្ងៃមុន។ ចំនួននៃការឆ្លង និងការស្លាប់ទាបបំផុតនៃជំងឺ COVID-19 របស់អូស្ត្រាលីត្រូវបានគេចាត់ទុកថាភាគច្រើនទៅនឹងការបិទព្រំដែនជាតិ និងរដ្ឋ និងបទបញ្ជាការស្នាក់នៅផ្ទះនៅទូទាំងប្រទេស ខណៈដែលបច្ចុប្បន្ននេះមិនមានរដ្ឋណាមួយស្ថិតនៅក្រោមផែនការបីជំហានរបស់រដ្ឋាភិបាលសហព័ន្ធនោះទេ៕

Related Articles

កម្លាំង​ប៉េអឹម​ចូលរួម​ជម្លៀស​អ្នក​ជាប់ឃុំ​ក្នុង​ពន្ធនាគារ​ដែល​ទឹក​ជន់​លិច​

អូស្ត្រាលី​អំពាវនាវ​ឲ្យ​យុវជន​ធ្វើតេស្ត​រក​វីរុស​កូ​រ៉ូ​ណា​នៅពេល​បើក​ប្រទេស​ឡើងវិញ

Leave a Reply Cancel reply

កម្លាំងប៉េអឹមចូលរួមជម្លៀសអ្នកជាប់ឃុំក្នុងពន្ធនាគារដែលទឹកជន់លិច

អូស្ត្រាលីអំពាវនាវឲ្យយុវជនធ្វើតេស្តរកវីរុសកូរ៉ូណានៅពេលបើកប្រទេសឡើងវិញ