តាកែវ៖ នៅព្រឹកថ្ងៃពុធ ៧កើត ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២០ ខែមករា ឆ្នាំ២០២១ លោក កេត ម៉ៅ អភិបាលស្រុកសំរោង រួមដំណើរជាមួយលោក អភិបាលរងស្រុក លោកនាយករងរដ្ឋបាលស្រុក លោកប្រធានការិយាល័យ រដ្ឋបាល និងហិរញ្ញវត្ថុស្រុក លោក លោកស្រីសមាជិកក្រុមប្រឹក្សាឃុំស្លា បានអញ្ជើញចុះសួរសុខទុក្ខ និងពិនិត្យការស្ថាបនាផ្លូវ និងដាក់លូចូលផ្ទះបងប្អូនប្រជាពលរដ្ឋភូមិត្រពាំងត្រាវ ឃុំស្លា ស្រុកសំរោង ប្រវែងប្រមាណ ៨០០ ម៉ែត្រ ដែល ជាការចូលរួមចំណែករបស់បងប្អូនប្រជាពលរដ្ឋក្នុងភូមិ។
នាឱកាសនោះ លោកអភិបាលស្រុកសំរោង ក៏បានចូលរួមចំណែកនូវថវិកាចំនួន ៦៥០,០០០រៀល ក្នុងការជួយសម្រួលការចំណាយលើកការជួសជុលផ្លូវ និងដាក់លូរំដោះទឹកជាមួយបងប្អូនប្រជាពលរដ្ឋផងដែរ។
